Ng’olabika bulungi, ng’osanyusa ggwe omwagalwa n’obulungi bwo!

“Osenzesenze omutima gwange, mwanyinaze, omugole wange; otutte omutima gwange, ne munye y’eriiso ly’onkubye.”      Luyimba 4:9

Ebyasava bino bigyiddwa mu kitabo Luyimba ekyawandiikibwa Sulemaani. Oluwombo luno lilimu ebitontome bingi ebiri mu ngeri y’ennyimba ebyogera ku mukwano wakati w’omusajja ne mukazi we. Ekitabo kino kyateekebwa mu byawandiikibwa ebitukuvu, okulaga enteekateeka ya Katonda gyalina eri abantu ku nsonga y’okufumbiriganwa.

Omwagalwa ayogera nti,

“Leka annywegere n’emimwa gye kubanga okwagala kwo kusinga wayini, n’amafuta go gawunya akaloosa akalungi; erinnya lyo liri ng’amafuta agattululwa, era abawala kyebava bakwagala.”  Luyimba 1:2

Era nti,

“Amatama go galabika bulungi ng’oyambadde ebikomo eby’oku matu, n’ensingo yo nerabika bulungi ng’erimu eby’omu bulago eby’omuwendo.”  Luyimba 1:10

“Muganzi wange ali ng’ensawo eya kaloosa aka mooli gye ndi, ng’awummulidde mu kifuba kyange.”  Luyimba 1:13

Era nti,

“Laba, oli mubalagavu, omwagalwa wange oli mubalagavu olabika bulungi.”  Luyimba 1:15

Era omwagalwa ayogera nti,

“Ng’omucungwa mu miti egy’omu kibira, aŋŋanza bw’ali bw’atyo mu bavubuka. Neesiima okutula mu kisiikirize kye, n’ekibala kye kimpomera .”  Luyimba 2:3

Era akuutira abawala ba Yerusaalemi nti,

“Temusisimula newaakubadde okuzuukusa okwagala okutuusa nga kweyagalidde .”  Luyimba 2:7b

Era boogeraganya nti,

“Ndaga amaaso go, ka mpulire eddoboozi lyo, kubanga eddoboozi lyo ddungi nnyo, n’amaaso go gasanyusa.”  Luyimba 2:14b

Ewalala omwagalwa ayogera nti,

“Ekiro kyonna nga ndi ku kitanda kyange, nalindirira emmeeme yange gw’eyagala.”  Luyimba 3:1

Era nti bweyanoonya eno neri, yaliko beyayisa nalyoka alaba omwagalwa,

“Twali twakayisiŋŋanya, ne ndaba oyo emmeeme yange gw’eyagala. Ne munnywegera ne simuganya kugenda, okutuusa lwe namuleeta mu nnyumba ya mmange, ne mutwala mu kisenge ky’oyo eyanzala.”  Luyimba 3:4

Era kyogerwa nti,

“Temusisimula newaakubadde okuzuukusa okwagala okutuusa nga kwesiimidde.”  Luyimba 3:5b

Olunaku lw’embaga ya Sulemaani, kyogerwa nti,

“Mufulume…mulabe ku Kabaka Sulemaani…ku lunaku olw’embaga ye, ku lunaku omutima gwe kwe gwasanyukira”  Luyimba 3:11

Owoomukwano, ayogerwako nti,

“Ng’olabika bulungi, gwe njagala, laba ondabikidde bulungi. Amaaso go mayiba mu lugoye mwogabisse.”  Luyimba 4:1

“Ng’olabika bulungi wenna, omwagala wange, toliiko bbala na limu.”  Luyimba 4:7

Era nti,

“Osenzesenze omutima gwange, mwanyinaze, omugole wange; otutte omutima gwange, ne munye y’eriiso ly’onkubye, n’omukuufu ogumu ogw’omu bulago bwo.”  Luyimba 4:9

“Ng’okwagala kwo kulungi mwanyinaze, omugole wange, okwagala kwo nga kusinga nnyo wayini, n’akawoowo ak’amafuta go kasinga eby’akawoowo eby’engeri zonna obulungi.”  Luyimba 4:10

Ayongerako nti,

“Akaloosa ak’ebyambalo byo kali ng’akawoowo ak’e Lebanooni.”  Luyimba 4:11b

Era nti,

“Oli nsulo ya nnimiro oluzzi olw’amazzi amalamu, olukulukuta okuva mu Lebanooni.”  Luyimba 4:15

Abemikwano bakubirizibwa nti,

“Abemikwano mulye munywe, munywere ddala, mmwe abaagalana.”  Luyimba 5:1c

Eri omwagalwa kyogera nti,

“Omutima gwange gwasanyuka bwe nnawulira eddoboozi lye.”  Luyimba 5:6b

Eri Abawala ba Isirayiri abakuutira nti,

“Mmwe abawala be Yerusaalemi, mbakuutira nti bwe mulaba ku muganzi wange, mumutegeeze ng’okwagala kwange gy’ali bwe kunzita.”  Luyimba 5:8

Era emikwano kimubuuza nti,

“Owange, kiki muganzi wo ky’alina kyasinza abalungi abalala ggwe omukazi akira abalala obulungi.”  Luyimba 5:9

Era abanukula nti,

“Muganzi wange alabika bulungi nnyo…omutwe gwe gwa zaabu ennongoose ennyo; n’enviiri ze zirimu amayengo, era nzirugavu nga nnamuŋŋoona.”  Luyimba 5:10-11

Era nti,

“Enjogera ye mpomerevu, weewaawo awamu n’ebyo byonna ayagalibwa.”  Luyimba 5:16

“Muganzi wange, wange, nange ndi wuwe.”  Luyimba 6:3

“Tontunuulira nnyo kubanga amaaso go gantawanya.”  Luyimba 6:5

Abemikwano bebuuza nti,

“Ani ono alabika ng’emmambya, omulungi ng’omwezi, atangalijja ng’enjuba, alina ekitiibwa ng’eky’emunnyeenye?”  Luyimba 6:10

Owoomukwanono ayogera nti,

“Ebigere byo nga birabika bulungi mu ngatto, ggwe omumbejja!”  Luyimba 7:1

Era nti,

“Ng’olabika bulungi, ng’osanyusa ggwe omwagalwa n’obulungi bwo.”  Luyimba 7:6

Abawala ba Yerusaalemi bakuutira nate nti,

“Mmwe abawala ba Yerusaalemi mbakuutira, temusiikuula newaakubadde okuzuukusa okwagala okutuusa ng’ekiseera ekituufu kituuse.”  Luyimba 8:4

Omwagalwa ayogera nti,

“Nteeka ng’akabonero ku mutima gwo, era ng’akabonero ku mukono gwo, kubanga okwagala kwa maanyi ng’okufa, obuggya bwakwo buli ng’obusungu obw’emagombe. Kwaka ng’ennimi ez’omuliro, omuliro ogwaka n’amaanyi ennyo.”  Luyimba 8:6

Era nti,

“Amazzi amangi tegamalaawo nnyonta ya kwagala n’emigga tegiyinza kukumalawo.”  Luyimba 8:7